Anonymous

A wife was sitting at her reel ae night,
    And aye she sat, and aye she reeled, and aye she wished 
       for company.

In came a pair o' braid braid soles, and sat down at the fireside,
    And aye she sat, and aye she reeled, and aye she wished for 
       company.

In came a pair o' sma' sma' legs, and sat down on the braid 
    braid soles,
     And aye she sat, and aye she reeled, and aye she wished for 
       company.

In came a pair o' muckle muckle knees, and sat down on the sma' 
    sma' legs,
     And aye she sat, and aye she reeled, and aye she wished for 
       company.

In came a pair o' sma' sma' thees, and sat down on the muckle 
    muckle knees,
     And aye she sat, and aye she reeled, and aye she wished for 
       company.

In came a pair o' muckle muckle hips, and sat down on the sma' 
    sma' thees,
     And aye she sat, and aye she reeled, and aye she wished for 
       company.

In came a sma' sma' waist, and sat down on the muckle muckle 
    hips,
     And aye she sat, and aye she reeled, and aye she wished for 
       company.

In came a pair o' braid braid shouthers, and sat down on the sma' 
    sma' waist,
     And aye she sat, and aye she reeled, and aye she wished for 
       company.

In came a pair o' sma' sma' arms, and sat down on the braid braid 
    shouthers,
     And aye she sat, and aye she reeled, and aye she wished for 
       company.

In came a pair o' muckle muckle hands, and sat down on the sma' 
    sma' arms,
    And aye she sat, and aye she reeled, and aye she wished for 
       company.

In came a sma' sma' neck, and sat down on the braid braid 
    shouthers,
     And aye she sat, and aye she reeled, and aye she wished for 
       company.

In came a great big head, and sat down on the sma' sma' neck.

What way hae ye sic braid braid feet? quo' the wife.
Muckle ganging, muckle ganging.
What way hae ye sic sma' sma' legs?
Aih-h-h!--late--and wee-e-e moul.
What way hae ye sic muckle muckle knees?
Muckle praying, muckle praying.
What way hae ye sic sma' sma' thees?
Aih-h-h!--late--and wee-e-e--moul.
What way hae ye sic big big hips?
Muckle sitting, muckle sitting.
What way hae ye sic a sma' sma' waist?
Aih-h-h!--late--and wee-e-e--moul.
What way hae ye sic braid braid shouthers?
Wi' carrying broom, wi' carrying broom.
What way hae ye sic sma' sma' arms?
Aih-h-h!--late--and wee-e-e--moul.
What way hae ye sic muckle muckle hands?
Threshing wi' an iron flail, threshing wi' an iron flail.
What way hae ye sic a sma' sma' neck?
Aih-h-h!--late--and wee-e-e--moul.
What way hae ye sic a muckle muckle head?
Muckle wit, muckle wit.
What do you come for?

For YOU! 

Traditional

 = Wayne Vargas