Anonymous

O whare are ye gaun?’                                                                going
    Quo' the fause knicht upon the road:                                      false
‘I'm gaun to the scule,'
    Quo' the wee boy, and still he stude.

‘What is that upon your back?'
    Quo' the fause knicht upon the road:
‘Atweel it is my bukes,’                                                            know well
    Quo' the wee boy, and still he stude.

‘What's that ye've got in your arm?'
    Quo' the fause knicht upon the road:
‘Atweel it is my peit,'
    Quo' the wee boy, and still he stude.

‘Wha's aucht thae sheep?’                                                          who owns
    Quo' the fause knicht upon the road:
‘They are mine and my mither's,'
    Quo' the wee boy, and still he stude.

‘How mony o' them are mine?'
    Quo' the fause knicht upon the road:
‘A' they that hae blue tails,'
    Quo' the wee boy, and still he stude..

‘I wiss ye were on yon tree,'
    Quo' the fause knicht upon the road:
‘And a gude ladder under me,'
    Quo' the wee boy, and still he stude.

‘And the ladder for to break,'
    Quo' the fause knicht upon the road:
‘And for you to fa' down,'
    Quo' the wee boy, and still he stude.

‘I wiss ye were in yon sie,’                                                        sea
    Quo' the fause knicht upon the road:
‘And a gude bottom under me,’                                                 boat
    Quo' the wee boy, and still he stude.

‘And the bottom for to break,'
    Quo' the fause knicht upon the road:
‘And ye to be drowned,'
    Quo' the wee boy, and still he stude.    

British traditional