Robert Burns




O John, Come Kiss me Now

Chorus
O John, come kiss me now, now, now;
O John, my love, come kiss me now;
   O John, come kiss me by and by,
For weel ye ken the way to woo.

I.
O some will court and compliment,
   And ither some will kiss and daut;
But I will mak o' my gudeman,
   My ain gudeman, it is nae faute.

II.
O some will court and compliment,
   And ither some will prie their mou,
And some will hause in ithers arms,
   And that's the way I like to do.

Chorus
O John, come kiss me now, now, now;
O John, my luve, come kiss me now;
   O John, come kiss me by and by,
For weel ye ken the way to woo.