The School Bag

‘Adam lay ibounden’


Adam lay ybounden,
Bounden in a bond,
Foure thousand winter
Thought he not too long;
And all was for an apple,
An apple that he tok,
As clerkes finden
wreten in here book.
Ne hadde the apple taken ben,
The apple taken ben,
Ne hadde never our Lady
A ben Hevene Quen.
Blissed be the time
That apple taken was!
Therefore we moun singen,
‘Deo gracias!’ 15th century